PSIXOSOMATIK KASALLIKLAR BILAN OG‘RIGAN BEMORLARNING PSIXOLOGIK XUSUSIYATLARI

Abstract

Mazkur maqolada psixosomatik kasalliklar va ularga ta'sir etuvchi psixologik omillar, psixosomatik kasalliklar bilan og‘rigan bemorlarning psixologik xususiyatlari tahlil qilinadi. Psixosomatik kasalliklar — bu jismoniy kasalliklar bo‘lib, ular ko‘pincha ruhiy va emosional holatlarning bevosita ta'siri ostida rivojlanadi. Maqolada psixosomatik kasalliklarning shakllanishiga sabab bo‘luvchi psixologik omillar, ularni davolashda psixoterapevtik yondashuvlar, shuningdek, psixosomatik kasalliklar bilan og‘rigan bemorlarning psixologik holatini baholash metodlari muhokama qilinadi. Kasallikning jismoniy belgilari bilan bir qatorda, bemorlarning ruhiy ahvoli, o‘z-o‘zini his etish shakllari va stressga reaktsiyasi ham alohida o‘rganiladi. Psixosomatik kasalliklarning oldini olish va davolashda psixologik yondashuvlarning o‘rni ko‘rsatib o‘tiladi.